Menu

Tschau Ursina

UrsinaUrsina Kissling-Weber, 17.5.1973 - 6.3.2019

Im Johr 1991 bisch du zum VBT cho, hesch bi de Juniorinne A mitgmacht und will du so schnäll glernt hesch und so ne Flinki gsi bisch, hesch au gli im e Dame Regional Team dörfe mitmache. Du hesch während 28 Johr s Nr. 4 uf dim Spiel-Shirt gha, das isch zu dim Merkmol worde.

Scho bald hesch du im Club afo ehreamtlichi Jöblis übernäh. Du hesch an dr Planig für  d‘Spiel-Iteilig mitgschafft, hesch alli Ufgebot für d Hälfer organisiert, bisch Teamverantwortlichi gsi und Asprächperson für so villes. Egal um welli Zit und an wellem Wuchetag, me het di immer erreicht bi Problem und du bisch defür besorgt gsi, dass alles in Ornig chunnt.

Wo du denn is Spital hesch müesse, hämmer uns grossi Sorge um di gmacht und hän di nid welle närve mit unsere Froge. Du hesch di aber gmäldet und uns gfrogt, öb mir z Schlag chömme. Und hesch au no die einti oder anderi Frog mit dinere grossartige Übersicht und Erfahrig chönne beantworte. Zueverlässig wie immer. Ufem Spielfäld hesch uns riesig gfählt, s Dame 4 isch schliesslich quasi nie ohne ihres 4i aträte. Du hesch di irgendwie immer chönne organisiere, obwohl du no so vill anderes um d Ohre gha hesch.

Jetzt chunnsch du nümmi zrugg ufs Spielfäld. Und mir chönne dir keine Froge me stelle. Mir vermisse di!

Dangge villmol Ursina, für din grossartige Isatz, dangge, dass mir s grosse Glück hän dörfe ha, di in unsere Reihe zha. Danke für dini Fründschaft und für d‘ Spure, wo du im VBT hinterlosch.

Dangge und tschau, s isch toll gsi mit dir!

Din VBT

Sponsoren

max meier195015 Logo TherwilEttingen  Sponsor #3 Sponsor #4 Sponsor #8  Sponsor #6 durtschiSponsor #7
Cookies erleichtern die Bereitstellung unserer Dienste. Mit der Nutzung unserer Dienste erklären Sie sich damit einverstanden, dass wir Cookies verwenden.
Ok